Toneelgroep Elshof 2025 !!!

Op zoaterdag 1 februari en vriejdag 7 & zoaterdag 8 februari zat ons buurthuus weer nokki, nokki vol um de toneelgroep ut stuk: ‘t is een hele klus, te zien spull’n.
Ut stuk was op een boerderieje woar as dur e zoch wurd’n noar een 2e tak, veur neveninkomst’n en det mos een theetuin word’n.
Boer Billy, weer onvoltroff’n op de plank’n e zet deur Gerrit Brinkhuis, probeer’n saam’n met zien boerinne, Pippa (een mooi stukkie vakwerk deur Ellen van Dam), de theetuin te realiseer’n mar deur kump van alles bie kiek’n.
Buurman Simon (Gerard Bosman’s vakmanschap) reut ze veural an niet tevulle heuj op de vurke te nemm’n want det deut e nameluk zelf ok nie, hij was veurnameluk druk met ut van de hoed af haol’n van buurvrouw Eliza (stralend ten tonele e brach deur Monique Buitink) en doar had e a wark zat met !!
De buurvrouwe zag um nameluk wel zitt’n en hij mos dur nog niet zo heel vulle van weet’n, zie had de kachel a an ‘t brand’n mar hij had zien holt nog te nat.
Dur mos ok van alles verbouwd word’n veur de theetuin en annemmer Gerritsen zol det klussie wel kloar’n (Rene Derks deut die rolle ok onmeunig goed) , hij redd’n det niet alleene op dus hij reup de hulp in van zien moat Gait van Londen (ok weer mooi e doane deur Rene Schols) en met mekaare maak’n ze dur een onnmeunig dikke bende van, een tip veur alle klussers zonder verlengsnoer, cement mengen ku’j ok prima in de keuk’n doon, gien centje pijn !!!
Um de sitiuatie nog wat mooier te maak’n kwaam’n dur ok nog 2 dames de theetuin bezuuk’n, zie kwaam’n van achter Amersfoort en preut’n ok zo, Linda Strijdveen en Sandra Schutte hadd’n zich det taaltie onmeung goed an e leert en ze zett’n Elske en Neeltje veschrikkeluk goed op de plank’n.
Neeltje was de vegetarische van de twee en waarschijnluk was ze praktisch vegetarisch, een komkommer en een wortel komt altied van pas ?? ?? ??
Ze zoll’n met mekaare ok buurvrouw Eliza wel eam’n an de man help’n met een dating app, dan kon ze onmeunig swipen en de kearls uutzuuk’n !!
Mar op ut ende van de story bleek det, zo as altied, de weg noar ut harte nog altied hendiger face to face geet dan via de app !!
Noa ofloop van de veurstelling word’n dur nog een dikke verlotting e hold’n en de sponsoor’n hadd’n weer onmeunig mooie priez’n ter beschikking e stelt.
Op de vriejdagoamp was de schriefster, van ut stuk, ok met een hele delegatie present en die was helemoale vol lof en doar was de hele groep dan weer arg verguld met !!
Wie kiekt terugge op een prachtig seizoen en in 2026 goat wie dit dikke oaverdoen !!’
As leste een heeeeeeuuuuul groot woord van dank veur Tonny & Petra Brouwer, die weer een prachtig decor in mekaare e zet hadd’n, wat een wark en wat een stuk vakmanschap !!
Blif ut roadsel, van 2025, hoe Tonny een plastic kraaie kan loat’n vlieg’n en hoe of e parsvoer op deele krig met de dakgeute veur de staldeur’n !! ?? ?? ??

Jan Dijkslag