Ut zit dur weer op , 3 keer volle bak en 3 keer onmeunig vulle wille !!!
AlgemeenToneelgroep Elshof 2026. De arfenis van tante Bella.
De toneelgroep gung , disse editie, helemoale lôs in de schoonheidssalon van wijlen tante Bella.
Bella uut de tied, de arfgenamen vakluu Duursma (as altied een mooi stuk vakwark van Gerrit Brinkhuus & Rene Derks), zoll’n de tente wel eam’n een likkie varve geav’n en weer wat opleuk’n, terechte veur verkoop.
Mar de mann’n hadd’n de spull’n nog niet uut de busse of de eerste klandizie stund a veur de deure, Mevr van Dreuten die wel onder de hete steen’n wol ligg’n, ut word’n prima op e lost, stel keien uut de tuin en een gasbrander, wie doet je wat. (Ellen van Dam, wus mevr onmeunig mooi gestalte te geav’n).
Doarnoa kwam dur een opoe, Neeltje Bakker, met een stok en een bult commentaar, die wel een zunnebanke neudig had. (Jeniek ten Broeke kreup weer, als altied, helemoale in heur rolle). Opoe onder de zunnebanke, de kearls konn’n beginn’n met kluss’n, mar dur mos nog met een kleurenspecialist e proat word’n oaver de varve, det kwam kameroad Leo doon. (Dur wordt e roddelt det SBS Gerard Bosman a hef benaderd veur een seizoen Chateau Bosman, wat goooooooeeeeed).
Ineens kwam dur een onmeunig mooi jong deerntie ut toneel opdraven, de stagaire, (Monique Buitink gung weer een paar jaor terugge in de tied en det deut ze goed). De Duursma broeders kreeg’n weer wat lucht , ene die wel wat verstand van ut vak had. Det kwam mooi uut want de volgende klante stund a veur de deure, Greet, die wol wel eam’n wat hoar van de bene hebb’n, det kon mooi met hars. (Sandra Schutte stell’n ut landingsgestel beschikbaar veur disse rolle). De teennagels mogg’n ok nog wel een beurte hebb’n en umdet Albert Duursma ok nog wel is een poot bekapt had, kon die det mooi verzurg’n. Makita slieptolle uut de busse en gaan met die banaan. Dur wurd’ n eerst eam’n proef e dreit op benen van Berend Duursma mar det verleup perfect, ie konn’n um an de Olde Wettering nog heur’n jank’n.
Met de komst van Greet, in de salon, veul ineens de angebrande kipp’nlucht ok op, alles op onderzuuk en bliksem, Neeltje lag nog onder de zunnebanke, die kwam weer veur ut licht met een kop as de vuurtoren van Ameland.
Disse uutvoering was dur natuurluk ok nog een onnodige gast, in de vorm van neef Wiebe from Canada (Rene Schols, ferry good e doane, inclusief de beautifull accent), hij wol zien tante wel eam’n bezuuk’n, de Duursma broeders vunn’n ut arfenis technisch better det e niks van ut spitfeessie van tante of wus , dus det word’n ok weer hilarisch.
Dur leup ok nog een paar keer een dame van de belastingdienst oaver ut podium, (het debuut van Marloes de Ruijter, onmeunige anwinst veur de groep)
varderop in ut stuk ontdekk’n wie det ze de notaris was, det wurd’n ok een hele openbaring.
Dan kwam dur ok nog een klante veur de bikiniwax, mar toen ze mark’n det tante Bella op e volgt was deur de neav’n Duursma, word’n ut een bikiniwax met hp.
(Linda Strijdveen speul’n heur rolle weer dusdanig oavertuigend, det een grote ventilator fabriek al um heur nummer e vroagt hef 😊 😊)
Neeltje Bakker mos ok nog van ut vuurtoren rood verlost word’n, det deud’n de mann’n met een modderbad, uut de begonia’s, gung prima evenals ut gezichtsmasker van mevr van Dreuten, det kon ok prima met RAL 9001!!
Wie heb oons een breuk e lach’n en ut was weer prachtig veur mekaare.
Antoinette Stoel was, als altied, weer de fluusterdeuze (met weinig wark dit joar, zei ze)
Machteld Diekslag de regeldeuze (met ok wat minder sloapeloze nachten, dit joar)
De dames van de grimme hadd’n dit jaor een onmeunige klus, wat een wark heb die e had um de spôllers telkens weer umme te bouw’n, grote klasse.
(Anneke, Rita, Marisca, Laura & Juulke tekenden veur disse monsterklus)
Ronny Eilert & Catrinus Tapper zurg’n det dur oaveral licht & geluud was en ok de regie oaver de gordijnen was bie de mann’n.
Tonny & Petra Brouwer heb zich, ok dit joar weer, met alle ziel en zaligheid op ut decor e stort en det was ok weer te zien, mooi wark!!
Ineke Wegman nam ut beeld & film materiaal weer onder heur hoede, ok dankens weerd.
Rest nog alle vriewilligers van ut buurthuus Elshof te bedanken, veur hun inzet, zonder ulle gien bier & patat !!!
Op noar 2027 !!!!
Jan Dijkslag
